Ракометарите на Еурофарм Пелистер 2, стручниот штаб и менаџментот на клубот со хуман гест ги израдуваа децата без родители во Домот за згрижување на доенчиња и мали деца. Имено, ракометарите донираа дел од премијата за пласман во плеј-офот на Суперлигата, како и производи од компанијата “Еурофарм“, неопходни за најмладите.
Во името на клубот и оваа хумана иницијатива подароците ги донираа капитенот Васко Димитровски, Филип Ивановски, Стефан Талевски и Иван Димитровски. 
Капитенот Васко Димитровски објасни како се роди оваа идеја:
-На иницијатива на ракометарите и стручниот штаб се одлучивме на ваков хуман гест. На овие деца им се неопходни овие подароци, производи и нашата грижа. Затоа повикувам и другите да го следат нашиот пример.
Директорката на оваа установа Елена Николовски на клубот од Битола и додели благодарница, а на ракометарите им објасни во каква специфична установа донираат, а освн тука дечиља има и во пет мали групни домови во Битола.
Овој хуман гест е за поздравување и со сигурност нема да биде последен на ракометното семејство Еурофарм Пелистер.
