Во организација на Педагошкиот факултет – Битола и Македонското научно
друштво од Битола, во Амфитеатарот на Педагошки факултет се одржа Литературно читање “Конески“.Настанот го отвори деканот на Педагошкиот факултет – Битола, проф. д-р Добри Петровски и претседателката на Македонското научно друштво од Битола, доц. д-р Невена Груевска.Овој настан беше дел од низата активности што Педагошкиот факултет – Битола и Македонското научно друштво од Битола ги организираат за одбележување на 100-годишнината од раѓањето на писателот, лингвистот, преведувачот – академик Блаже Конески.Со организирањето на ова литературно читање се реализираат две основни начела на Факултетот и на Друштвото: чествување на Конески и афирмација на македонскиот стандарден јазик.Во литературното читање зедоа учество професори од Педагошкиот и Правниот факултет од Битола, членови на Македонското научно друштво, како и студенти од Педагошкиот факултет Битола.Професор д-р Силвана Нешковска ги претстави учесниците во овој настан, односно професорите кои имаа свои кратки излагања за некои од монументалните поетски творби на Конески, и студентите кои ги рецитираа избраните песни.Имено, професор д-р Златко Жоглев и студентките Ангела Најдовска и Николина Ѓуровска, се претставија со својот осврт и рецитал на одбрани стихови од циклусот песни што Конески ги посветил на Крали Марко.Професор д-р Гордана Стојаноска, заедно со студентките Ангела Спировска, Наташа Зулумовска и Јасна Талевска, ги долови ритамот и звуците на „Тешкото“ за не да потсетат кои сме, од каде доаѓаме и кон што треба да се стремиме.Професор д-р Даниела Андоновска-Трајковска понуди свое толкување на безвременската „Стерна“, а студентките Марија Менчева, Јана Пашовска и Софија Трампеска, со својот рецитал, и дозволија на „Стерната“ да забучи повторно од подземјето, да избие на површината и да се разлее во ширината.Професор д-р Милена Касапоска-Чадловска, со студентките Димитра Десановска и Дијана Нешковска, ја повика „Везилката“ од која Конески барал совет за тоа како се ткае стихот на една совршена „проста и строга македонска песна“.Професор д-р Билјана Граматковски, со студентите Христијан Тунески и Ангела Димитриовска, имаше задача да потсети на волшебните љубовни стихови на Конески, што имаат моќ да го разнежнат и стоплат сечие срце.На крај, професор д-р Милена Пејчиновска потсети на аманетот што Блаже Конески ни го остави:-„Јазикот е единствената наша татковина. Сè додека го чуваме, го негуваме, го вардиме, го гледаме јазикот наш македонски – ќе може да сметаме дека ја имаме и татковината. Како куќа, како дом, како огниште.“
Литературно читање “Конески“ во организација на Педагошки и МНД Битола (фотогалерија)
More from ВестиMore posts in Вести »
- Напишана историја во македонската медицина, ендоксопска револуција во болница “Плодност“ во Битола
- СВР Битола: одземена “шкода“ од паркинг, нападнати двајца битолчани на “Караорман“, пронајдена стара граната
- Пелистер Волеј победи на гости во претпоследното коло
- Во Битола сончево и топло, температурата до 23 степени
- Олга Лозановска, Пеце Милевски, Силвана Ангелевска и Мартин Иваноски, четврорица битолчани во “5-ката“ на листата на ВМРО-ДПМНЕ
More from КултураMore posts in Култура »
- Прв официјален концерт на Камерниот оркестар – Битола насловен “Барокна фантазија“ (фотогалерија)
- Одлични резултати на учениците од Музичкото училиште Битола на меѓународен натпревар “Даворин Јенко“ во Белград (фото)
- Се е подготвено за 7. по ред “Џез фактори фестивал“ во Битола
- Библиотеката традиционално за својот роденден ги награди читателите на годината
- Промовирана книгата “Невидлива е војната“ од авторката Стела Маја