Деновиве пред 10 години: меѓународен летен младински камп на Црвен крст – Битола

-Пред 1о години Црвениот крст од Битола одбележуваше голем јубилеј, 100 години од постоењето, а по тој повод во буковски манастир “Св. Преображение“ го одржа 3. меѓународен младински летен камп на млади активисти на Црвениот крст од неколку држави, започна со сеќавањата Димче Миновски, хроничар на Битола и доајен на битолското новинарство.На кампот имаше учесниците на четири општински организации на Црвениот крст од Македонија  и млади активисти на Црвениот крст од Србија, Романија и Бугарија.На кампот вниманието беше насочено кон историјатот на Црвениот крст, со оглед на тоа што годината беше јубилејна 100 години од постоењето на оваа хуманитарна организација во Битола. Па така учесниците зборуваа за историјата на оваа организација од каде доаѓаат. За време на одржувањето на кампот младите се обучуваат за давање прва помош, оваа година активностите ќе бидат насочени кон хуманитарните активности, хуманоста и кон тоа како луѓето треба меѓусебе да се однесуваат.На кампот, кој траеше три дена младите учесници на кампот имаа можност да ги збогатат своите знаења од областа на Црвениот крст, и се запознаа со прекрасните убавини на манастирот “Св. Преображение”, кај село Буково.