Деновиве пред 10 години: стадионот спортската и Олимписки во 2012 година

–“Вртејќи“ во мојот новинарски бележник од 2012 година наидов на белешките од една летна новинарска репортажа за Битола, односно за трите спортски објекти во градскиот парк, Стадионионот под Тумбекафе, спортската сала, тогаш, “Младост“ и Олимпискиот базен покрај стадионот, кои ќе се обидам да ви пренесам, започа со сеќавањата Димче Миновски, хроничар на Битола и доајен на битолското спортско новинарство. -Стадионот како што го гледаме на фотографијата од летото 2012 година и сега во 2022 година не е ист. Сега ја нема старата, мала, трибина и на нејзино место има модерна нова трибина која е во завбршна фаза, а се надевам дека за брзо ќе бидат и во новите новинарски кабини, а оваа старата ложа, каде беа Управата, гостите и новинарите ќе остане во сеќавање и во историјата на стадинот.-И спортската сала “Младост“ како јас се уште по навика ја пишувам во моите трудови, а сега се вика “Боро Чурлевски“ од 2012 година има претрпено измени. Скратени се два реда од трибините на северната трибина, поставен е нов паркет, а од кога започна Еврофарм Пелистер да игра во Лигата на шампиони има и ново осветлување. Сега, како слушам во тек се подготовките за конечно решавање на затоплувањето што ќе биде голем чекор за подобрување на условите за спортување.–Олимпискиот базен е вистинско летно освежување за битолчани кои се рекреираат и за младите кои спортуваат и започнуваат да пливаат. Сликата е од пред 10 години во која е прикажан базенот, за кој сега како слушам е со уште подобри услови за капачите, и е убаво катче за разонода, вели Димче Миновски во своите сеќавања за рубриката “Деновиве пред 10 години“.