Press "Enter" to skip to content

„Наследниците на Манаки“ едукативни работилници за средношколци во ОФФ програмата на ИФФК „Браќа Манаки“

Во рамки на ОФФ програмата на 43 по ред ИФФК „Браќа Манаки “ Битола беа организирани  едукативни работилници за средношколци насловени „Наследниците на Манаки“. Во истите беа вклучени околу 20 тина  млади средношколци од Битола, кои неколку дена низ разновидни активности : проекции, предавања, дискусии се запознаваа со ликот и делото на браќата Милтон и Јанаки Манаки. Активностите започнаа со работилница „Филмско патување низ филмовите на Манаки“  на која преку проекција и дискусија се запознаваа со снимените филмови на браќата Манаки. За да продолжат „По патот на Манаки – Декомпонирање на сцена“. Во оваа работилница  „наследниците“ чекореа по патот на Манаки. При тоа имаа задача да  снимаат кратки едити  без тон од 30 секунди врз теми и мотиви од фотографиите и филмскиот опус на браќата Манаки.Последната работилница насловена „Битола низ нашата приказна “ беше прикажување и дискусија околу  снимените филмски едити. На последната вечер пред затворањето на 43 ИФФК „Браќа Манаки “ ќе им бидат доделени сертификати за учество во работилниците.  „Наследниците на Манаки“ низ активностите ги водеше Марија Џиџева, режисер.  Истите беа организирани во малата сала на Дом на култура и Офицерски дом и во НУ Завод и Музеј.