Press "Enter" to skip to content

Деновиве пред 10 години: француската глумица Катрин Денев во Битола, на фестивалот “Браќа Манаки“ (фото)

Фестивалот на филмската камера “Браќа Манаки“ во Битола бил донаќин на многу светски познати кинематографери, но во еден период пред десетина година во Битола, за време на фестивалот престојуваа и славни светски филмски актери. Во 2012 година на фестивалот беше француската филмска дива, Катрин Денев, која беше и главна гостинка на 33. издание, на покана на тогашната директорката Лабина Митевска, започна со своите сеќавања Димче Миновски, хроничар на Битола и доајен на битолското новинарство.-Секако Денев блесна на црвениот тепих за време на влегувањето на “Браќа Манаки“ пред Домот за културата во Битола, но вистинските љубители на филмот и нејзини обожаватели имаа ретка прилика да присутвуваат на отворената прес-конфереција, каде може одблису да ја видат и да и постават прашање.

“Убавицата на денот“ (како што носи наслов еден нејзин култен филм) се покажа во вистинско светло, вистинска француска дама. Со самото држење и интелегенција, таа го направи пресот пријатен. Катрин одговори на сите прашања, објасни зошто ја сакала Мерлин Монро, која е нејзин идол, поради талентот, убавината, сексипилот на ниво на божица, и истовремено срамежливоста во карактерот… дека нејзин идол во младоста, пред да почне да глуми на платното била Керол Ломбард, дека ги сака филмовите од 40-тите и 50-тите години, дека фустанот кој го носеше синоќа е дело на Жан Пол Готие…Присутните од неа дознаа и дека таа самата смета не само што таа е феминистка, ами тврди и дека сите жени се феминистки, дури и кога негираат дека се. На крај од средбата, со битолчани и гостите на фестивалот, Денев, ја расположи и насмеа комплиментот од една обожавателка од Битола, која и кажа дека како 10 годишно девојче го гледала филмот со Катрин кој и наликувал на бајка, со прекрасна музика, и дека поубава принцеза од Катрин на фимското платно немала видено.

More from БитолаMore posts in Битола »