Жанета Ристевска
-Филмот е уметност која е збир на повеќе уметности и еден синџир што ако недостасува една алка тогаш тоа се чувствува и нема успех. Посебен придонес имаат сите од режисер, сценарист, монтажер, директор на фотографија…
-Браќата Манаки ги “оживуваме“, им се дава значење само за време на одржување на фестивалот за филмска камера, вели Зекировски.
Дипломирал на Факултетот за драмски уметности отсек филмска режија во класа на професор режисерот Столе Попов. Неговата дипломска работа документарен филм „Верувале или не“ на тема црна магија оценета со највисока оценка, а прикажан и на Битолско лето со добри критики. Магистрирал на дигитална медиа во Сиднеј Австарлија. (Master of Digital Media-Raffles College North Sydney). Пред своето заминување во Австралија работел на многу филмски играни продукции за ТВ Тера, режисер на видео спотови, театарски претстави на аматерската театарска група „Оскар“ потоа „Солза и смеа“. Асистент на режија во среднометражниот игран филм „Време за паметење“, на филмот за љубовната приказна на Кемал Ататурк на Митко. С Апостоловски, асистент на камера во серијата „Збогум Румелија“ …
Денес тој е уредник, режисер, монтажер кој повеќе од 12 години работи во сите аспекти на филмската индустрија. вклучувајќи развој на концепт, финансирање, договори и физичка продукција. Соговорник во рубриката успешни битолчани во дијаспора.
Омер Зекировски битолчанец кој живее и твори во Сиднеј Австралија. Со своја филмска и видео продукција „Film Motions Production“ која ја оформиле заедно со својот брат Беби Зекировски. Од „Film Motions Pрoduction“ произлегоа голем број филмови крaткометражни играни, документарни долгметражни филмови кои се прикажани на многу престижни филмски фестивали за документарен филм како : Филмски фестивал за документарен филм во Мелбурн, (2022 Melbourne Documentary Film Festival “My Fight” (Documentary; Editor), Интернационален Филмски фестивал во Торонто ( 2021 Toronto International Film Festival “Antique Heroes” (Short Film; Editor), Филмски фестивал во Будимпешта (2022 Budapest Film Festival) и многи други (види филмски опус)…
Многу пати наградуван. Дел од награди: монтажер на документарниот филм „Мојата борба“ (“My Fight” -Documentary; Editor) награден на Фестивалот за документарен филм во Њујорк (NYC festiva), 2022 Maverick Movie Awards “Antique Heroes” (Short Film; Editor) 2021 ACS-Australian Cinematographers Society-Silver Award “My Fight” (Documentary; Editor))…. ( 2022 Melbourne Documentary Film Festival “My Fight” (Documentary; Editor) 2022 Budapest Film Festival… Во општина Herstville NSW три години duty manager задолжен за организација на концерти, театaрски претстави и филмски проекции. Омер и Беби Зекировски иницијатори за создавање на единствениот Македонски филмски фестивал на австралискиот континент кој се одржува во Сиднеј. Го искористивме неговиот престој во Битола за разговор околу сите овие теми.
За себе и првите чекори во уметноста…
-Роден сум во Битола, основно и средно образование завршив во Битола. Најголема љубов ми беше театарот, најпрво на свои 16 години работев како режисер на аматерски театарски претстави со аматерската театарска група “Оскар“, потоа се споивме, продолживме како „Солза и смеа“. Така навлегов во уметничкиот свет. Во тој период се направени многу успешни претстави: “Печалбари“, “Одам на Лов“ од Џорџ Федо, “Диво месо“, “Балканот не е мртов“…. Работев и на многу играни проекти на ТВ “Тера“, асистент на режија во “Збогум Румелија“, “Време за паметење“, асистент на режија на Митко С. Апостоловски во филмот за љубовната приказна на Кемал Ататурк и Елени Каринте и други. Снимање на видео спотови на пејачи на народна музика.
На ФДУ
-Во 2002 се запишав на Факултетот за драмски уметности (ФДУ) Скопје, каде дипломирав на отсек Филмска режија во класата на професорот Столе Попов режисер, асистент Антонио Митриќески. Како моја дипломска работа во 2009 година го снимив долгометражниот филм „Верувале или не“ за постоење на црната магија. За филмот одредено време истражувавме, притоа ги опфативме трите најголеми религии и нивните поглавари и сите го потврдија својот став и заедничко гледање на тоа дека е забрането и не ја поддржуваат црната магија. При нашето истражување навлеговме во темата малку повеќе, но се застана бидејќи темата беше „тешка“, така да речам. Со „верувале или не“на дипломскиот испит добив највисока оценка 10, а се прикажа на „Битолско културно лето“.
Во 2011-2012 се запишав на магистерски студии во Сиднеј ( Master of Digital Media-Raffles College North Sydney).
Транзициска генерација меѓу старото и новото кино, мануелната и дигитална камера
-Јас припаѓам на така да кажам транзициска генерација помеѓу старото и новото кино, мануелната и дигитална камера. Во тој период немаше дигитални камери. Ние работевме на мануелни. Ние дипломиравме на нив. Денешнта технологија овозможува секој да стане, да биде или се нарекува „film maker“. Ова го кажувам тргнувајќи од тоа што на модерните филм макери им е далеку полесно, но исто така сакаат да бидат и сценарист, режисер, директор на фотографија, монтажер,… Сметам дека филмот е уметност која е збир на повеќе уметности и еден синџир што ако недостасува една алка тогаш тоа ќе се осети и нема успех. Ако си филмаџија се знае кој што работи на филмот дали режисер, сценарист, сценограф, светло мајстор, сите се посебни и секој дава свој придонес во филмот.
За македонскиот филм
Македнскиот филм денес стана популарен насекаде и има голем број млади надежни режисери кои работат на проекти. Не е како порано еден режисер да го зема проектот и материјални средства за неколку години. Сега не е така, секој има можност да работи особено помладите. Тука се и сите други надежни филмаџии било да се монтажери, сценаристи, светло мајстор…Исто ќе кажам и за мои колеги од Битола кои се квалитетни и имаат успешни проекти.
Од 2008 во Сиднеј, Австралија…
-Продолжувам со мојата работа. Магистрирав на дигитална медиа во период од 2011-2012 ( Master of Digital Media-Raffles College North Sydney) Од 2008 во Сиднеј работам во сите аспекти на филмската индустрија. вклучувајќи развој на концепт, финансирање, договори и физичка продукција. Заедно со мојот брат ја создадовме-
Видео и филмска продукција “Film Motions Production“
-Од која произлегоа поголем број проекти. Ќе ги споменам некои од позначајните 3 краткометражни играни филмови по мое сценарио и режија. Филмот „Мојата борба“ долгометражен во режија на мојот брат Беби Зекировски, во кој се јавувам како монтажер и постигна позначаен успех. Доби највисока награда на фестивалот за документарен филм во Њујорк (NY City Documentary film festival). Исто така со голем број филмови учествувавме на неколку престижни фестивали во Торонто, ЛА, Будимпешта, Њијорк… Темите во моите филмови се трилер драма. Јас сум посебно импресиониран од трилерот на режисерот Роман Полански. Режисерот Мартин Скорцезе го почитувам и можам да кажам мој идол. Секако посебно место има мојот професор режисерот Столе Попов од кој многу научив и е врвен режисер. 
Иницијатор и организатор на Филмски фестивал во Сиднеј
-Заедно со мојот брат Беби Зекировски започнавме да го организираме Филмскиот фестивал во Сиднеј Австралија, единствен македонски на австралискиот континент. Оваа ќе биде 6 година по ред на одржување, а се одржуваше во месец октомври. За време на пандемија беше одложен. На фестивалот учествуваат филмови во кои бил вклучен на некој начин македонски граѓанин кој се јавува како режисер, монтажер, сценарист… Можеме со гордост да кажеме дека последните 5 години прикажуваме исклучиво македонски филмови. Гости ни беа познати личности од светот на филмот од Р.Македонија режисерите Антонио Митриќески и Роберт Јанкуловски. Една година имавме чест фестивалот да го отвори австралискиот кинематографер режисерот Џон Сил (John Seal -„Mad Max“,„ Fast @ Furious“). Во последната недела од март 2023 година ќе се одржува шестиот по ред фестивал, после две години пауза. 
Фотографија, фотографиите на официјалната веб страна omerzekirovski.com се импресивни…
-Фотографијата ми е само хоби.Фотографиите кои ги гледате се направени за време на пандемијата кога сакав да ги искажам своите внатрешни чувства и емоции и да ја „олеснам“ својата душа низ нив. Секојдневно правев по три фотографии, тие се од тој период. Има интересни. Но ќе нагласам дека не сум професионален фотографер.
За овогодинашниот 43. ИФФК „Браќа Манаки“…
-Морам да кажам дека ми беше едно доживување, после одреден период да присуствувам на истиот оваа година 43 по ред. Да бидам искрен на свеченото отворање се почуствував гламурозно на црвениот тепих. Сум учествувал на фестивалот во студентската програма за време на моите студии. Во официјалната програма не. Два пати се пријавуваме со филмови и не одбиле. Еве ќе кажам дека филмот „Мојата борба“ награден на фестивалот за документарни филмови во Њујорк, (NY City Documentary festival) е одбиен и не влезе во официјалната програма на фестивалот. Но, тука би додал бидејќи ми падна во очи дека браќата Манаки како да ги „оживуваме“, или им се дава значење само за време на одржување на фестивалот. Не би требало да е така. Сметам би требало да се стави акцент на животот и делото на браќата Манаки со тоа што би се направил музеј на пример таму каде била нивната куќа, со предмети кои ги користеле, да се прикажува филм за нивното дело. Насекаде каде одам ако се споменат браќата Манаки особено постарите филмаџии ги познаваат. Исто така Битола има многу да покажи од историја како: Виа Игнација, Кемал Ататурк, Елени Каринте, Хераклеа. Би апелирал до сите кои се засегнати без оглед на политичка партија да се оди кон тоа да се оживее овој град. Има многу филмаџии кои би снимиле документарни или играни филмови. Денес има голем број платформи на кои би можеле да се прикажуваат Можат да се направат чуда, за да се презентира тоа на цел свет. Би сакал фестивалот да биде комплетно битолски, и филмаџии битолчани да се поканат на фестивалот.
Омер Зекировски е иновативен режисер и продуцент во сите аспекти на филмската индустрија, уредник кој знае за филмските процедури, како и за најновите технологии, софтверот за уредување и камерите. Од него и филмската видео продукција Film Motions Production не очекуваат уште многу документарни и играни филмови за кои ќе пишуваме и сигурно ќе ги гледаме на ИФФК „Браќа Манаки“.
Филмски опус – фестивали и награди
2022 Melbourne Documentary Film Festival “My Fight” (Documentary; Editor)
2022 Budapest Film Festival “My Fight” (Documentary; Editor)
2022 Maverick Movie Awards “Antique Heroes” (Short Film; Editor)
2021 ACS-Australian Cinematographers Society-Silver Award “My Fight” (Documentary; Editor)
2021 Tampa Bay Underground Film Festival (TBUFF) “Antique Heroes” (Short Film; Editor)
2021 Toronto International Film Festival “Antique Heroes” (Short Film; Editor)
2021 New York Shorts International Film Festival “Antoque Heroes” (Short Film; Editor)
2016 Human District Festival-Belgrade “The Long Awaited Guest” (Short Film;Director/Editor)
2016 Los Angeles CineFest “The Long Awaited Guets” (Short Film;Director/Editor)
2015 Macedonian Cinema Days Film Festival “The Long Awaited Guest” (Short Film;Director/Editor)
2015 Sydney Indie Film Festival “Blame” (Short Film;Director/Editor)
*Award-Best Male Support “ to Robin Queree
2014 Port Stephens Film Festival “Wrong Game” (Short Film;Director/Editor)
2013 Sydney SFS “One Step Ahead” (Short Film;Director/Editor)
2012 Macedonian Film Festival-Sydney “Wrong Game” (Short Film;Director/Editor)2002
