Делегација од општина Битола, предводена од градоначалникот Тони Коњановски и претставници на Советот на општината, по повод 151 годишнината од раѓањето на Гоце Делчев, положи свежо цвеќе пред Спомен куќата на македонскиот револуционер во Битола, идеолог, организатор и водач на македонското револуционерно националноослободително движење.
Во чест на денешниот ден, почит одадоа и претставници на политичките партии ВМРО-ДПМНЕ и СДСМ и нивните младински организации, Левица, Сојузот на борци, други политички партии граѓански организации од Битола.
-Гоце Делчев, високо издигнувајќи го неговиот интернационален и космополитски поглед, преку неговата борба, идеали и пораки и денес ни дава поука, но и не обврзува на нашата голема должност да се грижиме за нашите вредности, да ги почитуваме традициите, да не дозволиме поделби и да го сочуваме македонското национално ткиво на достоинствен начин. Нека му е вечна славата!, стои во соопштението на Општина Битола.
