Одржувани јубилејните 10. по ред “Денови на Ростковски“ во Битола

Во организација на Здружение за македонско руско пријателство “Александар Аркадијевич Ростковски“ се одржуваат јубилејните 10-ти по ред “Денови на Ростковски“,  по повод 120-годишнина од смртта на рускиот императорски конзул Александар Аркадиевич Ростковски (1860-1903).Манифестацијата започна со полагање на цвеќе на споменикот “Руски крст“ во градскиот парк во Битола, каде што на присутните се обратија Пеце Гаштаров, професор Александар Стерјовски и Н.Е. амбасадорот на Руската Федерација г-дин Сергеј Баздникин.Aктивностите продолжија во Буковскиот манастир, кој што бил летна резиденција на Конзулот Ростковски, каде проф. Драги Анастасовски одржа пригоден говор пред плочата посветена на конзулот Ростковски, а потоа се одржа панихида во чест на конзулот Ростковски.  Делегацијата на амбасадата на Руската Федерација ја посети и просторијата посветена на конзулот Ростковски која се наоѓа во склоп на манастирот.