Деновиве пред 10 години: концерт на “Мадригали“ и Дадо Топиќ во Битола, во Хераклеја (фото)

-Со концерт пред повеќе од две и пол илјадната публика во Хераклеја кај Битола, на рок групата “Мадригали“ и балканската рок звезда Дадо Топиќ  беше затворен Битфест 2013, започна со своите сеќавања Димче Миновски – хроничар на Битола и доајен на битолското новинарство.Многубројната публика уживаше, играше и пееше во прошетката низ времето.Битолчани се забавуваа со легендарните хитови на групата “Мадригали“ како “Македонски рок“, “Зошто човек сум мал“, “Здраво млади“, “Моја Битола“, “Плати една дупла и мрш да те нема“.Групата “Мадригали“ одбележувајќи 40 години од своето основање потсети на големите рок хитови на македонската музичка сцена од седумдесетите години.Балканската рок звезда Дадо Топиќ ја изрази својата голема љубов и почит кон македонската публика, пеејќи ги заедно со неа големите хитови “Македонија“, “Елизабет“, “Дали знаш да те волим“.Дел од песните што битолската публика имаше можност да ги слушне беа со потполно нов аражман, а на публиката на Битфест имаше причика да слуша одлична свирка.