Во просториите на НУ „Завод и музеј“ – Битола се одржува работилницата насловена како: „Музеите кои значат – Постојани музејски поставки и работа со посетители“. Оваа работилница е прва од ваков вид која се одржува кај нас и има за цел да стави акцент на постојаните музејски поставки како еден од главните ресурси со кои располагаат музеите и основна комуникациска алатка со која тие комуницираат со публиката.На работилницаат покрај стручните лица од НУ „Завод и Музеј“ – Битола, учествуваат стручни лица од голем број македонски музеи. Овој проект се реализира од страна на НУ „Завод и музеј“ – Битола во соработка со Форумот на словенски култури. Предавачи на оваа работилница се Андреја Рихтер, директор на меѓународната фондација „Форум на словенски култури“ и Масимо Негри, Научен директор на „Европската музејска академија“, и двајцата врвни професионалци во својата област.
Министерката Костадиновска-Стојчевска денес беше дел од работилницата „Музеите кои значат – постојани музејски поставки и работа со посетители“ и се сретна со директорката на меѓународната фондација “Форум на словенските култури“, Андреа Рихтер, која е и претседател на Европската музејска академија.
За време на средбата беа истакнати улогата, значењето и активностите на „Форумот на словенските култури“, чија цел е поврзување и претставување на културата на словенските народи во светот.
Според Костадиновска-Стојчевска, музејската дејност, како една од севкупните области на дејствување во културата, е од особено значење за афирмацијата и промоцијата на култура и културното наследство, за едукација на граѓаните, а особено на младите за културните богатства и особености на словенските народи.
-Министерството за култура дава целосна поддршка на организацијата на семинари и работилници на кои музејските работници и експерти ќе дискутираат на различни актуелни теми од областа на музеологијата, за создавање нов профил на музејската практика, соодветна на современото општество. Размената на искуства и добри практики ќе овозможи модернизација на постојните музејски поставки, систематско планирање на развојните активности, како и поврзување на музејските институции на меѓународно и на регионално ниво – рече министерката за култура.
Активностите на Форумот, како и денешната работилница, ќе бидат уште еден поттик за збогатување на програмските содржини во музејските институции давајќи придонес во афирмацијата на културното наследство што го поседуваат словенските земји.
![](https://i0.wp.com/bitolanews.mk/wp-content/uploads/2023/11/zeni-1077.jpg?fit=1000%2C551&ssl=1)
“Музеите кои значат – Постојани музејски поставки и работа со посетители“ работилница во Завод и Музеј – Битола
More from ВестиMore posts in Вести »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- Премиерот Христијан Мицковски во посета на Битола (фотогалерија)
- Американецот Брајан Антоан е нов играч на КК Пелистер од Битола
- СВР Битола: кражба на мопед, сопруга пријавила физички напад од сопруг, малолетничко насилство, пронајдена артилериска граната
- Илјадници верници синоќа и денес во црквата “Св. Архангел Гаврил“ кај “Довлеџик“ во Битола (фото)
More from КултураMore posts in Култура »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- “Македона“ ревија на дизајнирана женска облека инспирирана од народна носија на модниот креатор Александар Ортаковски од Битола (фотогалерија)
- Спектакуларен концерт во Битола на маестро Илија Ампевски и пријателите за неговиот 50 роденден (фотогалерија + видео)
- КУД “Илинден“ Битола со музичко-сценскиот проект “На Панаѓир“ на Илинденски денови (фотогалерија)
- Гостување на операта “Дидона и Енеј“ и започната соработката меѓу КУД “Стив Наумов“ од Битола и СКЦ од Ниш