Во просториите на Високата медицинска школа од Битола, оваа значајна високо образовна инстиртуција пригодно чествуваше за јубилејот -три и пол децении едукација на здравствени работници.За значењето на Високата медицинска школа – Битола и нејзината хумано детерминирана мисија, директорката, проф. д-р Тања Јовановска, посочи дека, Школата денес подготвува стручен кадар што напредува во компетенциите, чија вештина, извежбаност и упатеност гарантираат добра основа за успех, во секој од специфичните сегменти на здравствената професија, по принципот на развиените земји.
Ректорот проф. д-р Игор Неделковски честитајќи ги успесите: 4000 дипломирани на прв и 24о здравствени работници на специјалистичките студии, ја нагласи преференцата – Школата да прерасне во академска институција.
Во рамки на пригодата, промовирана е новата генерација завршени кадри на специјалистичките студии и воедно, акцентирано е сестринството како важен сегмент поврзан со местото, улогата и идентитетот на Високата медицинска школа, особено затоа што од 2012 г. ВМШ е прва и единствена членка од Република Северна Македонија партиципиент во уважената меѓународна организација, Европската сестринска мрежа, што отвора бројни можности за размена на кадар и студенти и овозможува споделување на искуства во градење професионален кадар.
По повод јубилејот, Високата медицинска школа потпиша меморандуми за соработка со ОСМУ „Д-р Јован Калаузи“ Битола, и ПЗУ Болница „Плодност“, како резултат на природната поврзаност и кооперативност со овие институции.
Високата медицинска школа на свечениот настан додели благодарници за долгогодишна и успешна соработка на установи, институции и поединци, за придонесот во основањето и развојот на Школата и унапредувањето на здравствената дејност и особено за создавање морален и етички лик на здравствените работници.
![](https://i0.wp.com/bitolanews.mk/wp-content/uploads/2023/12/uklo-medicinska-11-88.jpg?fit=1000%2C596&ssl=1)
Високата медицинска школа од Битола одбележа значаен јубилеј, 35 години постоење (фотогалерија)
More from ВестиMore posts in Вести »
- Театарската претставата “Крал Лир“ изведена во “Вила Де Ниро“ пред светската премиера на Охридско лето (фотогалерија)
- Премиерот Христијан Мицковски во посета на Битола (фотогалерија)
- Американецот Брајан Антоан е нов играч на КК Пелистер од Битола
- СВР Битола: кражба на мопед, сопруга пријавила физички напад од сопруг, малолетничко насилство, пронајдена артилериска граната
- Илјадници верници синоќа и денес во црквата “Св. Архангел Гаврил“ кај “Довлеџик“ во Битола (фото)