Press "Enter" to skip to content

Православните верници синоќа славеа Стара нова година, денес Василица, во Битола се “врти“ мазникот

-На 14 јануари православните верници го слават споменот на Свети Василиј Велики, а воедно и го празнуваат почетокот на новата година по Јулијанскиот календар.

-Во Битола се “врти“ мазник во чии кори е скриена паричката, а се  верува дека на оној кој ќе му се падне паричка ќе биде среќен во текот на целата година.

Православните христијани кои се водат според Јулијански календар соноќа ја пречекаа Православната или Старата нова година.

Голем број македонски семејства Василица ја празнуваат како домашна слава, а оние кои го носат името на Свети Василиј Велики го слават својот именден. 

На Василица верниците кои се водат по овој календар кршат и лепче со паричка, а во Битола тоа мазник во чии кори е скриена паричката, и исто така се верува дека на оној кој ќе му се падне паричка ќе биде среќен во текот на целата година.

Старата година се испраќа и со палење василичарски огнови, кои се симбол на божествената светлина што, според народното верување, ги прогонуваат лошите сили.

Свети Василиј Велики е еден од тројцата најголеми црковни учители од четвртиот век. Родум бил од Кападокија, а завршил школо во Атина. Тој бил голем христијански филозоф, а се прославил и како епископ и заштитник на чистотата на православното учење.

Свети Василиј Велики се упокоил на 14 јануари во 379 година.

Покрај Македонската православна црква, според Јулијанскиот календар, верските празници ги слават и Руската и Српската црква, Ерусалимската патријаршија и дел од калуѓерите на Света Гора.

За разлика од нив, по Грегоријанскиот календар се водат Грчката, Бугарската, Романската, Украинската и Грузиската православна црква. 

More from ВестиMore posts in Вести »