По два напорни дена и одиграни и забележани две победи, во рамките на кошаркарскиот куп во Битола, тренерот на Пелистер, Дарко Радуловиќ на кошаркарите им даде неколку часа одмор, пред денешното финале кое се игра вечерва во Битола со почеток во 18 часот, во спортската сала “Боро Чурлевски“ против екипата на МЗТ Скопје.
А, каде би се поминало слободното време ако не на саботно кафе на Широк Сока, а овој пат се одлучија за кафулето “Јагода“ каде малку “здивнаа“ од обврските, се видоа со пријатели, но сепак не се одморија од кошарката, за што како рекоа денес е дежурна тема и од тоа нема бегање.
