Тренинг за мултипликатори во рамките на проектот „Sasas Jekhvar Jekh – Once upon a time … and now“ Во просториите на НУУБ „Св.Климент Охридски“ – Битола, успешно се одржа тренингот за мултипликатори, кој е дел од проектот „Sasas Jekhvar Jekh – Once upon a time … and now“.
На овој настан присуствуваа ентузијасти, раскажувачи и поддржувачи на ромската култура, обединети околу заедничката цел – промоција на Европската книга со ромски бајки и подготовка на претстојните настани за раскажување приказни.
Целта на тренингот беше да се информираат присутните за проектот, неговата содржина, цели и очекувани резултати, како и да се обезбеди поддршка на раскажувачите во планирањето и спроведувањето на идните настани. Учесниците имаа можност да се запознаат со техниките за раскажување приказни и начини на анимирање на публиката, со цел да го пренесат духот на ромските бајки до новите генерации.
Оваа иницијатива продолжува да ја зајакнува културната сцена во нашата заедница и да ги промовира вредностите на солидарност, толеранција и креативност преку волшебниот свет на бајките. Со заеднички труд и ентузијазам, создадовме основа за незаборавни настани кои ќе инспирираат многу идни раскажувачи и љубители на приказни.
