Патека на славните – Битола блеска со ѕвезди на кинематограферите

Битола стана единствен град во светот со Патека на славните посветена на кинематограферите, Оваа своевидна „Патека на славните“ започнува пред Киното Манаки и се протега кон Офицерскиот дом.Вчера, во присуство на нивниот внук Милтон, беше откриена првата ѕвезда во чест на пионерите на филмската уметност, Јанаки и Милтон Манаки.Следната ѕвезда која беше отворена припаѓа на реномираниот Данте Спиноти, додека во наредните денови ќе бидат откриени уште 18 ѕвезди.Божиновски часовници и накит , кои стојат зад идејното решение, ги изработија ѕвездите од месинг со внимателно изгравирани имиња на лауреатите и вградени во мермерни плочи. Гранитните плочи, идентични со оние што го поплочуваат Широк Сокак, ги изработи компанијата Крин од Прилеп, а ги постави компанијата Македонски глас.Неколкумина од досегашните лауреати ќе присуствуваат на чинот каде што секој ќе ја открие својата ѕвезда, прославувајќи ја врската помеѓу Битола и светот на кинематографијата.