Со положување на свежо цвеќе пред споменикот на Даме Груев, започна одбележувањето на Денот на македонската револуционерната борба.
Пред споменикот кај Завод и музеј во Битола, почит оддадоа градоначалникот на општина Битола, Тони Коњановски, претставници на Советот на општина Битола, како и делегации од Сојузот на борци, Здружението на граѓани за заштита на ликот и делото на Дамјан Груев и политичките партии.
Градоначалникот на општина Битола, Тони Коњановски, честитајќи го празникот, нагласи дека денешниот ден нè потсетува на херојските подвизи на нашите предци, но и на заветот кој нè обврзува да продолжиме да работиме за иднината на Македонија и граѓаните на нашата држава. Нека ни е честит и вековит Денот на Македонската револуционерна борба!, се вели во честитката на градоначалникот Коњановски, испратена по повод денешниот празник.
