“Пелистерци“ поделија плишани играчки во детското одделение на болница во Битола

По реализација на хуманитарната акција на Еурофарм Пелистер од Битола која ја реализира во ресурсниот центар “Кочо Рацин“ во Битола денес продолжи со своите хуманитарни активности. Денеска, членови на двете екипи Еурофарм Пелистер и Еурофарм Пелистер 2 ја посетија Клиничката болница во Битола и донираа плишани играчки во детското одделение.Плишаните мечињаа беа собрани заедно со публиката на полувремето од големото дерби меѓу Еурофарм Пелистер и Вардар, кога битолчани уште еднаш ја покажаа својата хуманост.Паркетот во „Боро Чурлевски“ беше преполн со плишани играчки, од кои дел завршија во основното училиште со ресурсен центар „Кочо Рацин“, а останатиот во педијатриското одделение во битолската болница.-Нека нашиот потег биде порака за сите наши приврзаници. Среќни празници!, порачаа од Еурофарм Пелистер.