-Битолчани со “Ноќ на нови почетоци“ во Новата 2025 година ќе “влезат“ заедно со Андријана Јаневска, Зуица Лазова, Сузана Спасовска, Димитар Андоновски, Дувачки оркестар, “Блезери“ и група “Фонтана, а сето ова во Битола ќе започне во 22 часот.
Вечерашната вечер, 11. по ред пред Офицерски дом во Битола помина во знал на двете музички групи “Љубојна“ и “Калабалак“, како и настапот на група “Баркод“ и Николче Зацески.
Вечерашните настапи на групите беа како загревање за она што се подготвува за утрешната, ноовогодишна ноќ кај Офицерски дом каде се очекува голем број на битолчани, како и посетители од другите градови од регионот. 
А, утре, битолчани новата година ќе ја пречекаат заедно со новогодишната програма во рамките на “Зимската приказна“ насловена како “Ноќ на нови почетоци“.
Битолчани во Новата 2025 година ќе “влезат“ заедно со Андријана Јаневска, Зуица Лазова, Сузана Спасовска, Димитар Андоновски, Дувачки оркестар, “Блезери“ и група “Фонтана, а сето ова ќе започне во 22 часот, а ќе трае до 1 часот по полноќ.
Претходно, во дневната програма ќе има детска театарска претстава „Исчезнатиот Дедо Мраз“, изведба на песни од детскиот музички фестивал “ТРА ЛА ЛА“ и театарска претстава “Новогодишна неизвесност“ на “Солза и смеа“.
Утре на 31 декември во старата чаршија ќе се одржат детските претстави “Снежна Бајка“ и
“Новогодишна ноќ“ – Детска театарска претстава, новогодишна емисија со 106-ка „Радио 106“, настапите на групите “Плетенка“ и “Маестрал“.
Инаку, “Зимската приказна“ на денешниот ден започа со “Ритамот на новогодишната магија“ на Државно музичко училиште, а продолжи со “Ех да може во зима сладолед да има“ – детска театарска претстава, настап на група “Артиум“ и настап на група “Бон Тон“, а групата “Секвенца“ со „Музика за битолчани“ изведе староградски и народни македонски песни.
