Ракометарите на Еурофарм Пелистер покажаа хуманост, даруваа крв за најголема победа (фото)

Ракометарите на двата клуба од Битола кои го носат името на Еурофарм Пелистер учествуваа во голема крводарителска акција, каде им се придружија членовите на стручниот штаб, но и дел од навивачката група “Чкембарите“ од Битола. Членовите на клубот и дел од навивачите со овој хуман потег решија да дадат позитивен пример и да им помогнат на луѓето на кои тоа им е најпотребно, со што уште еднаш ја потврдија својата општествена свест и одговорност.-Додека ракометарите на Еурофарм Пелистер се борат за победи на теренот и како дарители ја даваат најголемата победа – животот! Секоја капка крв значи нова шанса, нова надеж, нова приказна. Ви благодариме на сите кои дарувате и спасувате животи!, се заблагодарија од одделението за трансфузија од Битола.Ова не е прва ваква акција во која учествуваат “пелистерци“, а со овој потег даваат одличен пример и за другите спортски колективи, како и за сите граѓани кои сакаат да помогнат со дарување крв, нешто што се смета за исклучително хуман и нужен чин. -Секоја капка крв значи нова шанса, нова надеж, нова приказна. Дарувајте крв и спасете животи!, пратија апел за хуманос “пелистерци“.