Охрид викендов е домаќин на завршниот турнир од Купот на Македонија на кој учествува ракометниот крем во земјата. Покрај бранителот на Куп титулата Алкалоид играат уште и Вардар од Скопје, Еурофарм Пелистер од Битола и домаќинот ГРК Охрид.
Општина Охрид втор пат е домаќин на завршнивата од купот.
-На турнирот ќе настапи најдобрата четворка во последните неколку години во Македонското првенство. Посакувам спортска игра, многу среќа и подобриот нека победи, изјави на прес конференцијата градоначалникот на Охрид Кирил Пецаков.
Претседател на Ракометна федерација на Македонија, Александар Стефанов им посака среќа на сите учесници.
-Во еден ракометен дух, една коректна борба, да имаме убав Ф4. Ги повикувам сите македонци да дојдат, ова е ракометен празник. Ф4 Купот секогаш имал посебен натпреварувачки дух кој ја одразува оваа ракометна игра во која победникот ќе се закити со пахар и прво место, рече Стефанов.
Ф4 во Купот на Македонија секогаш претставувал едно натпреварување кое буди посебни емоции и како сите противници, РК Пелистер, доаѓа со амбиција да го врати овој трофеј во своите витрини, рече Звонко Шундовски, извршен директор во клубот.
-Купот секогаш ни приредувал изненадувања, така мислам ќе биде и овојпат. Знаеме дека не победуваат секогаш фаворитие во Купот и затоа се подготвуваме максимално сериозно, посветено пред се за првиот натпревар, а потоа ако се пласираме, а цврсто верувам дека ќе се пласираме во финалето, и да го вратиме после 20 години овој трофеј во нашите витрини, истакна Шундовски.
Финалето од Ф4 Купот на Македонија ќе се одигра утре, 1 јуни, со почеток во 17:30 часот.
