“Погон“ УКЛО Битола, втор саем за математика, наука, технологија, инженерство и уметност,

Под капата на Европската универзитетска алијанса КОЛОРС, чиј член е и Универзитетот “Св. Климент Охридски“ – Битола , на 31 јуни 2025 по втор пат на УКЛО се одржа Саемот за математика, наука, технологија, инженерство и уметност ПОГОН, наменет за учениците од основно и средно образование и секако за студентите и бизнис заедницата.Според организаторите, Техничкиот факултет – Битола и Сојузот на математичари на Македонија, ваквите настани се одличен начин кај младите луѓе да се зголеми интересот за природните и техничките науки.Д-р Елена Котевска, професорка по математика на Техничкиот факултет, како  идеен креатор и реализатор на Саемот, посочува дека оваa година e зголемен интересот за учество во ПОГОН, за што сведочи бројот од околу 200 ученици од Битола и регионот. Основците учествуваа во тимски натпревари по математика и физика, средношколците презентираа проекти од овие области, за децата од предшколска возраст до четврто одделение се одржаа игри на отворено, а дел од нив учествуваа во натпреварот за брзо местење на Рубикова коцка. Свои презнетации имаа и претставници од ИТ бизнис заедницата.Настанот се одржа во колаборативниот простор на Европската универзитетска алијанса КОЛОРС сместен во СИЦ на УКЛО.Академската раководителка на УКЛО КОЛОРС, проф. д-р Рената Петревска Нечкоска посочува дека  ПОГОН ја отсликува најважната активност на Алијансата – транзиција на учениците од основните и средните училишта кон академијата и универзитетот. Учесниците на саемот имаа можност да се запознаат со менторираните изработки од студентите на УКЛО: билигвалниот студентски магазин УКЛО КОЛОРС, во кој годинава ќе бидат застапени деветте јазици на Алијансата, како и со средношколскиот конкурс на УКЛО ,,Корени и крилја – европска диплома дома!“, од кој произлегоа креативни средношколски трудови објавени во посебна брошура лекторирана и дизајнирана од студенти под менторство на професори и стручни кадри од Универзитетот.Посебен интерес кај младите предизвика иницијативата Colors Juniors на УКЛО, која веќе е превземена од сите партнери на Алијансата.Во насока на промоција на Саемот за математика, наука, технологија, инженерство и уметност ПОГОН 2025, изработени се две репортажи од COLOURSjunior основката Ноела од Слушнете неее! на УКЛО ФМ – Битола и #COLOURSstudents Дарко Трпковски од УСС УКЛО.