Синоќа во Битола на платото пред бар “Манаки“, кај Поштата со настапот на Виктор Апостоловски и групата “Икс бенд“ заврши второто издание на “Street food Festival“, организиран по светски терк со интересен концепт, летна шема уживање со добра музика, храна и пијалоци.
Организаторите понудија, во две вечери, еден поинаков концепт на фестивал со храна, а имаа “слатки“ проблеми да им резервираат маси на сите кои искажаа голем интерес за настанот “Street food Festival“, а платото помеѓу “ДМ Маркет“ и бар “Манаки“ во Битола беше преполно, се бараше маса повеќе, се чекаше за храна и пиво.
Синоќа, гостите ги забавуваа “Икс Бенд“ и Виктор Апостоловски, а на првата вечер настапија “NALA“ бенд и битолската група “Деспина“.
-Два вечери уживаме во храна, добра атмосфера и преубава забава на отворено, во опуштена атмосфета. По втор пат се организираше и во Битола светски популарниот настан “Street Food Festival“, а тука е како во секоја европска метропола ова лето и кај нас. Се радуваме дека битолчани ја прифатија идејата, а тое се потврди според посетеноста. Започнавме лани, продолжуваме и до година, рекоа организаторите.
Ж. Ристевска
