Филип Поповски, редовен професор на Техничкиот факултет во Битола при Универзитетот „Св. Климент Охридски“, ќе биде носител на советничката листа на ВМРО-ДПМНЕ во општина Битола на претстојните локални избори.
Проф. д-р Филип Поповски е претседател на Сенатот на Универзитетот „Св. Климент Охридски“ – Битола и редовен професор на Техничкиот факултет во Битола. Во својата академска кариера, тој ги има поминато сите степени на кариерен развој – од асистент, преку доцент и вонреден професор, до редовен професор.
Филип Поповски е дипломиран графички инженер, магистер и доктор на технички науки. Неговата научна и професионална специјалност е насочена кон “3Д“ компјутерски симулации и виртуелна реалност, области кои денес се од особено значење за современите инженерски и технолошки истражувања. Како истражувач, учествувал во повеќе научно-истражувачки проекти и има значаен придонес во развојот на техничките науки. Автор е на неколку учебници и над 50 научни и стручни трудови, цитирани во водечките светски референтни бази како Web of Science и Scopus.
Со својата посветеност кон науката, наставата и академската заедница, проф. д-р Филип Поповски претставува еден од значајните современи научни авторитети во Македонија.
Проф. д-р Филип Поповски по добиената доверба да ја преводи листата на советници на ВМРО-ДПМНЕ на локалните избори за Битола напиша:
Тој упати благодарност до премиерот и претседател на ВМРО-ДПМНЕ, проф. д-р Христијан Мицкоски, како и до Извршниот комитет на партијата за укажаната доверба.
