“Офф роад“ тура на клубот Пелистер од Битола во рамките на прославата на 4. Ноември

Во организација на ОФФ Роуд клубот „Пелистер“, денес се одржа Офф Роуд тура, како дел од програмата за одбележување на 4 Ноември – Денот на ослободувањето на Битола.На стартот, кој беше поставен пред зградата на Општина Битола, присуствуваа и градоначалникот Тони Коњановски и претседателот на Советот на Општина Битола, Бојан Бојкоски, кои ги поздравија учесниците и им посакаа успешна и безбедна тура низ битолските прекрасни предели, исполнета со авантури и дружење.Учесниците во оваа адреналинска тура имаа можност да уживаат во предизвикувачки патеки, величествени пејзажи и вистински дух што ги обединува љубителите на мото и роуд возилата и природата.Настанот уште еднаш потврди дека Битола и нејзината околина нудат совршена комбинација на природна убавина и спортски предизвици, со можности за уживање и авантура.