Синоќа беше одржана традиционалната забава на ФК Јени Маале од Битола, која како и секогаш помина во одлична атмосфера во ресторанот “Вила Виста“ беше, на која беше направена детална анализа на тековната полусезона.
Ова е 17-та година по ред како клубот го организира овој настан, 33 забава во ред, а да потсетиме првата беше одржана во кафулето “Триангл“.
Официјалниот дел го отвори капитенот Никола Пискачев, кој се осврна на резултатите и
играта во изминатите месеци.
-Оваа полусезона игравме со променлив ритам, со кој, фудбалски гледано, не можеме целосно да бидеме задоволни. Но, како и секогаш, ние се будиме напролет и тогаш го
достигнуваме максимумот од нашата форма, истакна капитенот.
Традиционално беше доделено признание за посебни заслуги во клубот. Оваа година,
добитник е Пеце Богдановски – Бабец, кој со голема енергија и посветеност ги извршува
техничките работи во ФК Јени Маале и претставува значаен дел од неговото
функционирање.
Како вистинско изненадување за присутните, клубот најави нова меѓународна фудбалска авантура – гостување во Лисабон, каде ќе се одигра пријателски натпревар. Тргнувањето е закажано за 18 февруари 2026 година.
Со ова, Јени Маале ја продолжува својата традиција на фудбалски патувања, по веќе остварените посети во Белград, Загреб, Осиек и Милано.
ФК Јени Маале останува клуб кој не признава пречки – место со многу другарство, емпатија и позитивна енергија.
На прославата присуствуваа и познатите фудбалски имиња Митко Стојковски и Тони Мицевски, кои со години се дел од фамилијата на клубот, потоа помошник-тренерот на Пелистер – Вангел Алтипармаковски, музичката легенда – Ламбе Алабаковски, како и
многубројни гости и поддржувачи на овој битолски клуб.
За забавата беа задолжени „Џокер бенд“ без кои не поминува нути една забава на “којотите“ кои се погрижија и овој пат да има стенд-ап на капинот, кореографија, и секако изненадувања.
Текст и фото: Сашо Ристевски
