По повод новогодишните празници и големиот христијански празник Божик, подгрупата од навивачката група “Чкембари“ од Битола – “Ултрас Битола“, деновиве реализира голема хуманитарна акција, а денес донацијата беше предадена во Домот за доенчиња и деца без родители во Битола, кои потоа ќе ја проследат до дечињата кои се наоѓаат во згрижувачки семејства.
Донацијата која денес “Ултрасите“ ја предадоа во Домот се состои во храна и друго што му е потребно на Домот.
-Ова е втора ваква хуманитарна акција која “Ултрас Битола“ ја спроведе, а е наменета за штитениците на Домот за доенчиња и деца без родители во Битола. Оваа не е опрва акција која организирме, а тоа го правиме неколку години по повод новогодишните и божикните празници, а имаме и Велигденска акциа. Со ова дело сакаме да кажиме дека сите треба достоинствено да ја дочекаме новата година, сите заедно во новата 2026 година да се стремиме кон нови цели и победи. Повторно ја прикажуваме позитивната страна на навивачите. Тука не застанваме, за Битола, за битолчани, за Пелистер, вели Горан Калешковски – Љутио.
