Спортска академија Битола со предавање за спортската психологија како предуслов за успех во спортот (фото)

Денес во просториите на Правниот факултет во Битола во организација на ДСУ спортска академија Битола беше одржан настан од областа на спортската психологија, како предуслов за успех во спортот.-Спортската психологија како наука која ги спојува спортските науки и психологијата е област која добива на значење последните години. Се повеќе се истакнува важноста и потребата од спортски психолози кои им помагаат на спортистите да ги развијат менталните вештини потребни за постигнување на врвни резултати и емоционална стабилност. Спортските психолози често се соочуваат со проблеми на слаба концентрација, натпреварувачка анксиозност, ниска самодоверба, ниска мотивација, прегорување на спортистот (burnout), поддршка при повреди и рехабилитација… беше речено денес.Говорници беа Марија Неновска лиценциран психолог, магистер по клиничка и советодавна психологија, професор по психологија во ДСУ спортска академија  и Наташа Бекирова лиценциран психолог, системски и семеен терапевт.