На 10.04.2023, полициски службеници од криминалистичката полиција при СВР Битола извршиле претреси на повеќе локации во Битола и прегледи на повеќе лица, при што биле пронајдени хероин, марихуана и други предмети.
При претрес со судска наредба во домот на 39 годишник од Битола биле пронајдени и одземени марихуана, дробилка со остатоци од марихуана и други предмети. При претрес во домот и други простории кои ги користи друго лице на возраст од 44 години од Битола, извршен со судска наредба, биле пронајдени повеќе предмети за кои постои сомнение дека потекнуваат и се поврзани со кривично дело по член 215 од Кривичниот законик.
При преглед на 40 годишник од Битола бил пронајден и одземен хероин. Додека, при преглед кај 37 годишник од Битола, исто така, бил пронајден и одземен хероин, а со него биле затекнати и 20 годишник од Битола и 36 годишник од Ресен.
Сите лица биле задржани во полициска станица и по целосно документирање на случаите ќе следуваат соодветни пријави.