Со фестивалот на староградска музика и вино продолжи да живее духот на градското живеење (фотогалерија)

Во Старата битолска чаршија, на платото пред Малиот битолски монмарт синоќа се одржа првата вечер од ново воспоставениот Фестивал на староградска музика и вино.

На првата вечер настапија битолските естрадни уметници Тони со Биоритам“ “Акорди бенд“, “Мелос бенд“, “Икс бенд“, Бојан Стојков, Борче Наумовски и Марија Груевска кои изведоа староградски песни, “Ако одам во Битола“, “Ратка“, песни од Ајри Демировски, новокомпонирани песни…

-Битола – градот со голема традиција и богато културно – историско наследство, со себе носи многу приказни кои се раскажувале некогаш, се надградувале и менувале, онака како што градот го менувал својот лик, така, како што времето ја креирало својата сегашност, на начин, на кој што се создавала историјата, велат организаторите, и додаваат:

-Старата битолска чаршија, било местото на еснафот на градот. Токму тука, на местото каде што денес е спојот на ориенталното и градското живеење во единствениот, делумно сочуван дух се одлучивме да го одржиме за прв пат овој фестивал на староградска музика и вино.

Чаша добро вино и одлична староградска музика, македонски шлагери… беа приоритет за сите, пеачите, групите и секако за публиката, а сите заедно, барем за кратко го вратија духот на битолската чаршија, онака како и што планираа организаторите.

И вечерва на истата локација, пред Монмартрот, кај чешмата, во срцето на чаршијата, ќе настапат повеќе музички групи и самостојни изведувачи групите “Екстраваганза“,Деспина, Билјана Дамјановска-Јанчевска, Димитар Андоновски…

Настанот кој ќе го врати сјајот на битолската чаршија “Фестивалот на Староградска музика и вино“ е дел од програмата на “Бит Фест 2018“.
[ngg_images source=”galleries” container_ids=”183″ display_type=”photocrati-nextgen_basic_thumbnails” override_thumbnail_settings=”1″ thumbnail_width=”240″ thumbnail_height=”160″ thumbnail_crop=”0″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]