Менаџерскиот тим на хотелот “Епинал“ со ангажирањето на најголемиот шоумен во Македонија потврди дека терасата “Широк Сокак“ е место каде летово се случуваат најубавите свирки во градот, а битолчани веќе се одомаќинети на ова место.
Тераса “Широк Сокак“ на своите гости им понуди сосема поинаков, нестандарден начин на забава, која од ден на ден станува се популарен и веќе е позната “летна шема“ во градот.
Синоќа Игор Џамбазов пред околу илјада битолчани и фантастичната атмосфера на терасата “Широк Сокак“ им подари два часа музика во која најголем дел изведбите беа блуз точки меѓу кои и неколку авторски заедно со “Гуру Харе“ бенд.
Игор во својот стил на врвен шоумен направија атмосфера исполнета со добар блуз, изреки, мисли и хумор кој само Игор знае на негов начин да ги каже, со душа, до болка а и смеа и уште еднаш покажа и докажа дека во овој свој стил е ненадминлив.
А публиката ја почуствува сета енергија на Игор и “Гуру Харе“ со тоа што цело време пееше и се соживуваше со секоја од изведбите.
Концерт во живо со посебна енергија кој остави впечаток кај сите присутни и кој ќе се памети. Со тоа се докажа дека ваквите забави и концерти во живо предизвикуваат внимание и ни недостастасуваат на сите.
Жанета Ристевска
