Асфалтирање на улица “СРУ 5“ во Старата касарна во Битола (фото)

Градоначалникот на општина Битола, Тони Коњановски, денес изврши увид на активностите со кои се финализира проектот за изградба на коловоз на улицата СРУ 5 во АРМ. Улицата се асфалтира во должина од 180 метри и вкупна вредност на инвестицијата од општинскиот буџет во вредност од 6.133.710,03 денари.Претходно, на оваа улица локалната самоуправа инвестираше во поставување на водоводна мрежа.-Дел од проектите кои ова локална самоуправа ги изведува е оваа улица, односно денес се поставува коловоз на улицата “СРУ 5“ во АРМ која е во завршна фаза. Фактички станува збор за дооформување на дел од улиците во старата касарна. Проектите продолжуваат и го почитуваме времето на изградба и продолжуваме интензивно да се работи, а градот е градилиште и така ќе продолжи, без разлика дали на некои им се допаѓа или не, рече градоначалникот на Битола, Тони Коњановски.Ова е уште еден инфраструктурен проект, планиран и реализиран од Општина Битола во оваа градежна сезона, во која досега се завршени над 4.5 километри патна инфраструктура во урбаниот и руралниот дел од општината, а работите тековно, според програмата се одвиваат на над 15 други локации.