Јавна дискусија: „Праведната енергетска транзиција, нејзините социјални импликации и потребите на пазарот на труд“

Младинскиот културен центар – Битола во соработка со Локалниот економско-социјален совет на општина Битола (ЛЕСС), на 5.11.2025 година организираше јавна дискусија посветена на предизвиците и можностите што ги носи енергетската транзиција за Битола и Пелагонискиот регион. Настанот се одржа во рамките на програмата за 4 Ноември – Денот на ослободувањето на Битола.На панелот учествуваа Јешим Сефуловска од Центарот за вработување Битола, проф. д-р Миле Спировски од Техничкиот факултет – Битола, Никола Димковски од Регионалната стопанска комора и Жарко Краус од Конфедерацијата на слободни синдикати. Тие споделија согледувања и препораки за тоа како локалната заедница може успешно да се справи со социјалните и економските импликации од енергетската транзиција, која директно го засега РЕК Битола и поширокиот регион.Во дискусијата беше нагласено дека енергетската трансформација не ги засега само вработените во РЕК Битола, туку и целокупната локална економија, образовните институции и пазарот на труд во регионот.Клучна поента беше потребата од континуирана соработка меѓу академијата, стручните училишта, бизнис заедницата и Агенцијата за вработување за навремено прилагодување на кадарот и создавање нови зелени занимања.Позитивно беше истакнато прераснувањето на Техничкото училиште во Битола во Регионален центар за стручно образование, што претставува голем чекор напред во градењето на локални капацитети за преквалификација и усогласување на вештините со потребите на новата зелена економија.Настанот уште еднаш ја потврди важноста на отворениот дијалог и партнерството меѓу институциите, стопанството и граѓаните, како предуслов за праведна, одржлива и социјално чувствителна енергетска транзиција во Пелагонија.