Деновиве во спортскиот центар “Илинден“ во населбата Рокдаел Сиднеј се случи уште едно нешто ново за првпат во историјата на доселеништвото во Нов Јужен Велс, “Пиво фест и скара“ се одржи токму во Рокдаел каде што живеат најголем број на Македонци.
За овај настан претседателот на прилепското друштво Иван рече:
-Овае продуктивен ден за нас, но зад ова стои многу работа, а се подготвувавме повеќе дена и не беше лесно да се организира ваков настан за прв пат. Прилепското друштво “Методија Андонов Ченто“ работи околу 50 години но сегашнава управа само 5 години и нивните настани се секогаш многу успешни.
На прашањето од каде идеата да го донесете “Пивофест“ овде во Сиднеј поточно Рокдаел ми рече дека оваа година за прв пат помислиле на ова и планираат да остане традиција еднаш годишно.
Атмосферата беше многу убава малку врнежливо но игралиштето беше полно имаше и фудбалски натпревар и салата внатре беше полна сите можеа да уживаат во убавата храна на скара и прасешко на ражен и секако и чаша или две пиво. 
За сето ова организаторот имаше и доста помагатели, меѓу кои и нашиот градоначалник на општината Џоџерс Рива, Оливер Димовски кој упари честитки и голема благодарност за Оливер бидејќи тој е секогаш тука, со нас кога се организира нешто во заедницата.
Внатре во клубот имаше многу народ, масите беа полни луѓето секојдневно облечени уживаа во звуците на групата Балканика како и убавиот глас на пеачката Соња која со нејзините песни сите не развесели на оро со нас. 
Исто така во салата имаше и многу мали дечиња си играа и на оро и на “Џампинг касел“ за што Иван ми рече дека имаат добро соработка со управата на ФК Илинден од Рокдаел и цел профит ќе биде подарен за поправка на кујната.
-Вакви настани повеќе не зближуваат да се дружиме веселиме во исто време да помогнеме на нашиот клуб “Илинден’ да напредува и да си го чуваме за многу години, рекоа присутните.
Од Сиднеј: Славица Марцевска
