Деновиве пред 10 години: 37. издание на Фестивалот “Браќа Манаки“ – “Златна камера 300“ за Јани Петери – Паси (фото)

-Со проекцијата на македонскиот игран филм “Златната петорка“, во режија на Горан Тренчовски, и доделувањето на наградите за најдобрите кинематограферски
остварувања, по осум дена, во Битола беше спуштена завесата на годинашното 37. издание на Фестивалот на филмската камера “Браќа Манаки“, започна со своите сеќавања Димче Миновски, хроничар на Битола и доајен на битолското новинарство.Жири-комисијата едногласно одлучи “Златната камера 300“ на 37-то издание на Интернационалниот фестивал на филмската камера “Браќа Манаки“ да му ја додели на кинематограферот од Финска, Јани Петери – Паси, за филмот “Најсреќниот ден во животот на Оли Маки“.Наградата “Златна камера 300“ за животно дело на австралискиот и светски познат кинематографер, оскаровецот Џон Сил му ја врачи претседателот на Република Македонија и главен покровител на Фестивалот “Браќа Манаки“, Ѓорге Иванов.Големата сала во Центарот за култура во Битола буквално ќе експлодираше од овациите по премиерното при кажување на филмот “Ослободувањето на Скопје“, чиј режисер беше легендарниот Раде Шербеџија, кој не можеше да ги скрие своите емоции и во кусото обраќање до присутни те во салата истакна дека со премиерата на филмот “Ослободувањето на Скопје“ на фестивалот “Браќа Манаки“, тој практично го доживеа својот најсреќен ден во својата импозантна филмска, а и режисерска кариера.