Индустриската зона во Новаци – историски проект за економски развој на Општина Новаци

Во Индустриската зона во Новаци се реализира најголемиот инфраструктурен проект во историјата на Општина Новаци, со вкупна инвестиција до 120 милиони денари, обезбедени преку средства од Владата и сопствениот буџет на Општина Новаци.-Изградена е нова водоводна, атмосферска и фекална канализациона мрежа, се градат улиците во внатрешноста на Индустриската зона, реализирано е улично осветлување на крак 3 од уличната мрежа која води до Индустриската зона и реконструирана е уличната мрежа (три краци) во Новаци, на потегот од Пошта до „Златен Клас“, соопшти градоначаникот на Новаци, Стевче Стевановски и додаде:-Општина Новаци има јасна цел, да создадеме современа инфраструктура што ќе овозможи нови инвестиции, нови фабрики, нови компании и нови работни места. Ова не е само инвестиција во инфраструктура. Ова е инвестиција во економската иднина на Општина Новаци. Градиме услови за развој денес – за повеќе можности и работни места утре.