Hотел “Епинал“ најуспешен хотел во категоријата “Градски Туризам“

По повод Светскиот ден на туризмот – 27 Септември на традиционалната манифестација што Министерството за економија ја организира секоја година, министерот за економија Крешник Бектеши додели над 50 признанија за најуспешните поединци, здруженија и деловни субјекти од туристичкиот сектор.На оваа манифестсција битолскиот хотел “Епинал“ е избран за најуспешен хотел во категоријата “Градски Туризам“. Наградата е добиена за врвната услуга која им ја нуди на гостите хотелот  “Епинал“ според светските хотелски стандарди и е препознаен како еден од врвните градски брендови на хотели.Од оваа година предлози за најуспешните можеа да даваат и самите потрошувачи, поточно туристите, согласно распишаниот конкурс кој траеше до 9 септември.