Во Општина Битола се одржаа состаноци на претставниците на сите компании кои ќе работат на изградба и реконструкција на линиската инфраструктура на улиците „Илинденска“, „Партизанска“ и „АСНОМ“, како и патот за село Маловишта.
Фирмата „Жикол“, во вредност од 43.489.829 денари, ќе изведива нова водоводна, фекална и атмосферска канализациона мрежа на улицата „АСНОМ“, реконструкција на водоводната и мешовитата канализациона мрежа на ул. „Илинденска“ и реконструкција на водоводната мрежа и атмосферска и фекална канализација на ул. „Партизанска“, фирмата “Јоска транс“ ќе работи на реконструкција на коловозот на ул. „Партизанска“ во потегот од кружниот тек кај “Веро“ до раскрсницата кај Техничкиот преглед во Нова Битола во должина од 724 метри, во вредност од 19.071.981 денар.
Реконструкцијата на коловозот на улицата „Илинденска“ ќе биде во должина од 2131 метар, во вредност од 22.159.081 денар, а изведувач ќе биде фирмата БВ Инженеринг.
Општина Битола, заедно со јавните претпријатија со сопствени средства ќе ги изведува приклучоците кон водоводната мрежа и атмосферската канализациона мрежа. На улицата „АСНОМ“ во вредност од 569.326 денари ќе се изведуваат приклучоци кон атмосферската канализација, кон фекалната во вредност од 435.089 денари и кон водоводната во вредност од 236.791 денар.
Кон улицата „Партизанска“ ќе се работи на приклучоци кон атмосферската канализациона мрежа во вредност од 1.258.824 денари и кон фекалната во вредност од 3.609.443 денари. На ул. „Илинденска“ ќе се изведуваат приклучоци кон мешовитата канализациона мрежа во вредност од 6.909.136 денари, а кон водоводната мрежа во вредност oд 3.647.101 денар.
Реализацијата на овој голем проект, кој опфаќа реконструкции и изведби на канализациона и водоводна мрежа на улиците „Партизанска“, „Илинденска“ и „АСНОМ“, како и уредување на коловозите, ќе чини 101.386.601 денар, односно над 1,6 милиони евра.
Наскоро ќе започне реконструкција со доградба на локалниот пат за село Маловишта. Изведбата на патот во должина од 4 километри е со вкупна вредност од 22 333 784 денари,
Градоначалничката на Општина Битола, Наташа Петровска, покрај состноците со компаниите кои ќе работат на трите улици, одржа работен состанок и со “ЛЕНДИ ГРУП ДООЕЛ“ Скопје и надзорот над проектот АД „ЗИМ“ Скопје кои ќе вршат реконструкција на локалниот пат за селото Маловишта.
Стручните екипи, извршија посета на терен, со цел комплетно согледување на состојбата и дефинирање на начинот на кој ќе се изведуваат градежните активности.
