Еврејката со битолско потекло Сара Ароести во Битола со најнов проект “Манастир“ (фото)

Познатата ладино пејачка, Сара Ароесте која потекнува од старо еврејско потекло од Битола, деновиве ја посети Битола како дел од нејзиниот најнов проект “Манастир“.Целта на овој проект е со различни музичари да снима еврејска музика која се пеела пред Втората светска војна.Деновиве таа снимаше со битолчаните Сефедин Бајрамов и Вевки Амедов, како и со неколку деца од градинките “Естреја Овадија Мара“ во “Гимел“ студио во организација на Креатив продукција.Како што истакна Саше Богоевски од Креатив продукција, беше организирана и фотосесија за портфолио на Сара Ароесте.Фотосесијата се одвиваше во Старата битолска чаршија и уште неколку локации низ Битола, ја фотографираше Александар Георгиев, а за изгледот се погрижија Фризерското студио Оли и стилистот Игор Горко.