Битолчани нема да гледаат Лига на шампиони во ракомет, Еурофарм Пелистер не доби “вајлд-карта“

Комисијата за лиценцирање при  ЕХФ – Европската ракометна федерација ги соопшти екипите кои ќе играат во Лигата на шампиони во сезоната 2020/21. Во 16 екипи ја нема екипата на Еурофарм Пелистер од Битола, која претходно беше пријавена од страна на РФМ, а со оглед на високиот рејтинг на македонскиот ракомет очекуваше “вајлд-карта“ за ново учество во ракометната елита.

Еурофарм Пелистер лани играше во втората дивизија во Лигата на Шампиони, но сега таа лига е реформирана, па така само екипата на Вардар ќе биде единствениот наш претставник.

Еурофарм Пелистер наредната сезона со ова одбивање добива место во новата Европска лига, а битолчани во спортската сала “Боро Чурлевски“ во Битола ќе гледаат покрај натпреаври од Евро лига и од СЕХА лигата.