Вториот носител од Социјалдемократскиот Сојуз на Македонија и коалицијата “Можеме“,во петтата изборна единица Јован Митрески, денес беше во Битола каде заедно со кандидатите за пратеници од Битола, Бисера Костадиновска Стојчевска, Горан Козаров и Петар Николовски, имаше средби со граѓани, ја посетија и компанијата “Премиум пиво“, а одржа и прес-конференција.
На преесот Митревски зборуваше за социо-економските вредности кои Владат ги вратила како општествени во претходните три години и рече:
–За три години направивме пресврт и разлика. Oд општество во кое ВМРО – ДПМНЕ 11 години газеше врз достоинството на луѓето, особено кон сиромашните и стечајците, денес станавме општество кое им помага на ранливите, држава која се стреми сите да имаат и да уживаат еднакви права. Социјалната помош ја зголемивме за 300 отсто. Минималната плата ја зголемивме од 9.000 на 14.500 денари. Го решивме проблемот со стечајците. 12.000 наши сограѓани добиваат месечен наддомест од над 8.000 денари до пензионирање. Воведовме социјална пензија за лицата кои не го исполнуваа условот работен стаж. Околу 6.000 наши сограѓани добиваат социјална пензија. Солидарно се бориме и против економските последиците од коронавирусот.
Време е за ред, правда и дисциплина во сите институции. Правосудството мора да се прочисти од корумпираните судии и обвинители. Судиите кои застаруваат предмети ќе бидатразрешени по автоматизам. Започнува детална проверка на имотната состојба на сите судии и обвинители и темелна ревизија на 5% од сите судски пресуди во последните 5 години, по случаен избор. Сите функционери во извршната, локалната и судската власт, јавно и транспарентно ќе ги објавуваат сите службени трошоци. Администрацијата мора да им служи на граѓаните и затоа, дополнително ја професионализираме и ќе биде ефикасна.
Тоа е разликата меѓу СДСМ и ВМРО – ДПМНЕ. СДСМ нуди професионални инситуции во служба на граѓаните, ВМРО – ДПМНЕ нуди партизирана администрација во служба на лични и партиски интереси. Ние се грижиме за сите граѓани, тие се грижат само за себе и своите интереси.
На 15 јули граѓаните ќе изберат да живеат во праведна држава, ќе изберат неселективна правда. Затоа што Можеме уште повеќе, уште подобро.
