Денес во Битола на 72 годишна возраст почина нашиот сограѓанин Панде Манојлов, новинар, поет, литературен критичар, член на Друштвото на писатели на Македонија…, соопшти попладнево неговото семејство.
Панде Манојлов е роден во село Породин, заврши правен факултет, работеше како директор во “Транскоп“ – Битола, а потоа како главен и одговорен уредник на Битолски весник, каде беше новинар во културната рубрика, од каде и замина во пензија.
По заминувањето во пензија активно се посвети на пишување на поезија, а има издадено триесетина печатени изданија. Пишуваше на многу теми, како и за децата, а невогите дела се преведувани на неколку јазици.
Една од неговите најпозанти песни е песната посветена на Палестина, за нвната крвава битка, за што имаше добиено и голем број награди од таа земја.
Носител е на голем број на награди и општествени признанија.
