“Стрежево“ – Битола ја намали цената на пастрмката 

Со оглед на исклучително сложениот период во кој се наоѓаме, ЈП “Стрежево“ – Битола ја намали цената на пастрмката, одгледувана во сопствените рибници.-Суштински дел на одговорот на ковид-19 е осигурување на пристапот до домашни производи – безбедна, хранлива и здрава храна.  Со оваа интервенција на цените сметаме дека ќе дадеме придонес за намалување на отежнатиот пристап до храна како последица на ограничувањата што се наметнаа поради пандемијата, изјави директорот на “Стрежево“ – Битола, Методија Граматковски.Претпријатието и во иднина ќе продолжи да ја надградува методологијата за цените како рационална мерка, со најразлични интервенции, а со цел реално следење на целокупната состојба во интерес на граѓаните.