Кошаркарите му оддадоа почит на Вања, “Чкембари-Битола се вечни, Вања е вечен“ (фото)

Кошаркарите на Пелистер на вечерашниот натпревар во Битола, во спорската сала “Боро Чурлевски“ му оддадоа посебна почит на неодамна починатиот Вања Георгиевски – Американецо, така што на загревање и до стартот на натпреварот носеа маици во негова чест.Кошаркарите на Пелистер носеа маици на кои беше ликот на Вања, а на фотографијата беше додадена зелена детелина, знак кој го има на голем број на транспаренти на “Чкембари“ од Битола. Гест на битолските навивачи кон Вања, кој без збор ја заслужи оваа чест и почит, како еден од најверните навивали на битолските клубови кои го носат името Пелистер.Вања беше секогаш во спортската сала во Битола, без разлика дали таму се играше кошарка или ракомет, се до неговата ненадејна смрт неодамна.