“Пролетни вибрации“ – ликовна изложба на учениците во Горната гимназија во Битола (фото)

Првиот ден на пролетта, учениците од Горната гимназија во Битола го одбележаа со отворање ликовна изложба под наслов “Пролетни вибрации“.-Оваа тематска изложба организирана од страна на Училишната библиотека е реалирана во соработка со наставникот по ликовна уметност, Александар Поповски, по повод најубавото годишно време, симбол на младоста и убавината и новото раѓање на природата – изјави библиотекарот, м-р Драган Ристевски.На изложбата се претставени дваесеттина ликовни дела на тема пролет од страна на гимназијалци од прва и втора година. И покрај тоа што наставата се одвива без физичко присуство сепак, вредните и талентирани средношколци се одѕваа на предлогот за создавање ликовни творби за пролетта.Со поставката на изложбата “Пролетни вибрации“ во гимназискиот хол, го разубавија просторот на Горната гимназија за сите што работно и заради училишни обврски ја посетуваат Гимназијата во која пред 76 години, официјално, за прв пат во средното образование во Македонија, започна наставата на мајчин македонски јазик.