Вечното дерби помеѓу Пелистер и Вардар од секогаш покрај пресметката на фудбалскиот терен имало и пресметка на трибините.
Навивачката група “Чкембари“ со многу идеи, песни, трансперенти и сценографија ги одбележувала овие дерби натпревари и докажувала дека е најдобрата навивачка група во Македонија.
И на последното дерби Пелистер – Вардар се повтори традицијата. Точно на средина на првото полувреме започна “баклијадата“ на навивачката група “Чкембари“ со палење на голем број на пиротехника, а се беше во знакот на зелената боја на Пелистер.
Во текот на целиот натпревар се бодреше екипата на Пелистер, а во рацете на навивачите се најдоа и транспаренти.
Инаку, собирањето на навивачите беше традиционално “на бутки“, а дојдоа од сите страни на градот.
Текст и фото: Сашо Ристевски
