Фудбалерите на Пелистер нема да го играат денешниот натпревар со екипата на Шкупи, а преку своите официјални лица клубот побара мечот да не се игра и тој дополнително ќе биде презакажен.
Ова е побарано откако фудбалерите и стручниот штаб на Пелистер, заеднички ручек имале во Велес, а дури 12 играчи се пожалиле на болки во стомакот, односно добиле отровање.
По ручекот 12 фудбалери се наоѓаат во болницата во Велес, а веќе примаат соодветна терапија, од вкупно 15 фудбалери кои се пожалија на болки откако беа затруени на ручекот.
До делегатот на натпреварот доставени се медицинските белешки и резултати од медицинските анализи, а делегатот на самиот натпревар одлучи да го одложи дуелот, кој денес требаше да се одигра на стадионот на “Чаир“.
По немилиот настан раководството на Пелистер ја извести и Фудбалската федерација на Македонија.
Фото: Фејскбук
