Пеце Николовски, победник на првиот меморијален турнир “Драгољуб Ѓорѓиевски“ со боева пушка (фотогалерија)

Денес на стрелиштето “Леково“ кај Прилеп во организација на стрелачкиот клуб “Јане Сандански“ од Битола се одржа првиот меморијален турнир “Драгољув Ѓорѓиевски“ со боева пушка, посветен на основачот, тренер и долгогодишен претседател Драгољуб Ѓоргиевски.

На турнирот учествуваа повеќе од триесетина натпреварувачи од клубови од Битола и Прилеп, а се натпреваруваа и припадниците на МВР од Битола.

Турнирот за отворен го прогласи претседателот на СК “Јане Сандански“, Кочо Чака, кој зборуваше и за Драгољуб Ѓорѓиевски, човекот кој го формира и го раководеше овој клуб четориесетина години. Чака нагласи дека како еден од иницијаторите за одржување на овој турнир ќе се потруди да биде традиционален и да се збогатуваат содржините.

Прв победник во категоријата боева пушка е Пеце Николовски од СК “Јане Сандански“ од Битола со 88 погодени кругови, второто место го освои Оливер Огненовски од СК “Јане Сандански“ со 83 погодени кругови, а на трето место се најде Христијан Петровски во 82 погодени кругови.

-Посебно ми е драго што јас сум победник на првиот турнир во чест на мојот учител и тренер Драгољуб Ѓорѓиевски, кој ми беше тренер за време на среднопколските денови во Економското училиште и кога победувавме низ цела тогашна Југославија. Победата секако му ја оосветувам нему и се надевам дека и во иднина ќе се одржува овој турнир, рече победникот Пеце Николовски.

Во екипна конкуренција победи СК “Јане Сандански“ од Битола, второ место освои СК “7-ми Мај“ од Битола, а на трето место се најдоа прилепскиот клуб “Стрелба 09“.

Боевата муниција ја обезбеди стрелачката спортска федерација на Македонија, чии претставници беа на турнирот и го според правилата на федерацијата го водеа овој турнур.

Сите клубови и заслужни фирми и поединци добија благодарници за учество и помош при организацијата на турнирот.

Фото и текст: Сашо Ристевски
[ngg_images source=”galleries” container_ids=”137″ display_type=”photocrati-nextgen_basic_thumbnails” override_thumbnail_settings=”1″ thumbnail_width=”240″ thumbnail_height=”160″ thumbnail_crop=”0″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]