Првиот меморијален ракометен турнир “Боро Чурлевски“ започна во спортската сала која го носи неговото име со едноминутно молчење во знак на почит на ракометарот кој потекна од школата на Пелистер, по што следуваше голем аплауз од неколку илјадната публика.
Претходно претседателот на ракометниот клуб, Пелистер, Васко Ковачевски официјално го повлече дресот со број четири на легендарниот Боро Чурлевски. Ковачевски зелената „четворка“ ја предаде на семејството, а огромен дрес со името на Боро Чурлевски ќе стои над семафорот во спортската сала „Боро Чулевски“.
Потоа градоначалничката на Битола, Наташа Петровска, го прогласи турнирот за отворен, а при обраќањето рече дека Битола останува град на спортот, град на ракометот.
На трибините беше и претставникот на канцеларијата за врски на Репубика Грција во Македонија.
На трибините на првиот ден од турнирот беа присутни “Чкембарите“, голем број на поранешни ракометри, а свое шоу имаа и младите ракометари од школата на Пелистер под раководство на Кире Поповски и Игор Николовски.
