Отворена изложбата “50 слики“ на Јадранка Главинче (фотогалерија)

Во културниот центар “Магаза“ вечерва беше отворена изложба на Јадранка Главинче, насловена “50 слики“, која беше отворена во присуство на голем број гости.Изложбата ја отвори директорката на Заводот и Музеј во Битола, Мери Стојановска, која рече дека и е мило што авторката им ја укажала честа на оваа установа да биде домаќин на оваа изложба.Авторката за оваа изложба во која има поместено 5о дела-минијатури, рече дека испирацијата за овие дела била Битола и луѓето кои живеат во градот.-Сите дела се направени во еден здив, во доста кратко време, а ова ми е шеста изложба. Претходно творев и правен големи платна, е сега се претставувам во поинаква форма. Делата се правени во две техники пастел и темпера и сите се со мотиви од овој дел, Битола, битолско и мојот внатрешен свет, рече авторката Главинче.За разликите на сликите работени во голем формат и минијатури, таа рече:-Повеќе се наоѓам во поголемите платна каде послободно се изразувам. Овој формат ми беше предизвик, а за вредноста на делата ќе каже публиката, а за инспирациите додаде:-Инспирацијата е љубовта кон Битола и така ќе остане и понатаму, бидејќи најмногу ја сакам Битола и секогаш ќе ми биде испирација. Тука се и луѓето, а посебно моите најблиски, роднините, пријателите…